Link açıqlığı

Saatnıñ esas haberi

Qırımda «fevral 26 işi» boyunca mahkeme toplaşuvına mahkümlerniñ tuvğanlarını almaylar


Aqmescitteki Qırım Yüksek mahkemesiniñ binası yanında, 2015 senesi dekabr 28 künü
Aqmescitteki Qırım Yüksek mahkemesiniñ binası yanında, 2015 senesi dekabr 28 künü

Qırımda «fevral 26 işi» baqılacaq Yüksek mahkemeniñ birinci toplaşuvına insanlarnı saylap alalar, mahkemege kirecek tuvğanlar bile saylana. Zalda yer yoq deyler, dep haber ete Qırım.Aqiqat.

Toplaşuv zalınıñ yanında ayatta aman-aman 60 kişi tura, adamlar olarnı da içeri almağa talap eteler. «Yol beriñiz!» – dep qıçıralar qadınlar. Mahkeme bekçileri zalda yer olmağanını bildire. Mahkeme temsilcileriniñ aytqanına köre, zalda zarar körgenler otura. Mahkümlerniñ babaları mahkeme temsilcileri ile devamlı davalaşsa da, zalğa kiremediler. Ahtem Çiygoznıñ ömür arqadaşı ve 12 yaşında oğlu zalğa kirip oldılar.

Dekabr 28-de Aqmescitteki Qırımnıñ Yüksek mahkemesinde «fevral 26 işiniñ» birinci mahkeme toplaşuvı keçirile. Onlarnen insan mahkümlerge qoltutmağa keldi.

Rusiye taqiqatçıları Mustafa Degermenci, Ali Asanov ve Ahtem Çiygoznı 2014 senesi fevral 26-da Qırım parlamenti binası yanında Ukraina topraq bütünliginiñ tarafdarları ve «Rus birligi» firqasınıñ faalleri iştirak etken çoq biñli mitingde yüz bergen «kütleviy çatışmalarda» iştirak etüv ile qabaatlaylar.

Aqmescit mahkemesi üçüniñ de apis cezası müddetini bir qaç kere uzatqan edi. «Fevral 26 işi» iştirakçileriniñ adliyecileri birinci instantsiya mahkemesiniñ qararına apellâtsion şikâyet bergen ediler. Faqat yalıñız bir kere Qırımnıñ Yüksek Mahkemesi Çiygoznıñ adliyecisi bergen muracaatnı qısmen qarşılap,Meclis reisi muavininiñ apiste yatuv müddetini noyabr 19 künü yerine avgust 19-na qadar qısqarttı. Lâkin birinci instantsiya mahkemesi apis müddetini tekrar noyabr 19-na, soñra ise – 2016 senesi yanvar 29-naqadar uzattı.

XS
SM
MD
LG