Qırımnıñ Ukraina terkibine qaytarılması endi 2016 senesi baarinde mümkün, añlaşma boyunca, ve, «misal içün, Aqyarsız». Bu tahminni Odessa buhraniy media-merkezinde «Qırım vatandaşlıq qamaçavınıñ» yetekçisi Lenur İslâmov bildirdi.
Jurnalistlerniñ bizni «2016 senesi ne bekley» kibi sualine İslâmov öz tüşünceleri ile paylaştı.
«Menimce, ükümet , şübesiz, deñişecek. Donbass toqtatılır. Qırımnı ise farqlı şekillerde qaytarmağa teklif etecekler – misal içün, Aqyarsız. Bir de bir flotnıñ anda bulunması, birlikte idare etüv aqqında añlaşmağa tırışacaqlar. Yermay bir 3 ay 20 dollar tursa, bunı endi mart-aprelde körermiz. Menimce, Putinni nasıldır bir yollarnen saqlarlar, eyisi bu. Fena varianttan – Türkiye ile cenk olacaq. Ebet, cenk er şeyni tezleştirir. Azır olmalımız. Olarnıñ anda ketirgen tehnikalarını köremiz. Ukrainliler turıp, toprağını qorçalamaq kerektir, memleketimizden devlet tek öyle tarzda olur. Şimdi biz tam bir devlet degilmiz, bizden topraqnıñ bir qısmını tutıp aldılar», – dedi «Qırım vatandaşlıq qamaçavınıñ» lideri.
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Qamaçav iştirakçileriniñ talapları arasında – siyasiy mabüslerniñ azat etilmesi, Qırımda insan aqlarına riayet etüv ve yarımadağa halqara eyyetlerniñ kirsetilmesi.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
