Link açıqlığı

Türkiye ükümeti Ukraina şarqında ATO zonası şeerlerinden vatandaşlarınıñ istegi ile qavmiy türklerni alıp çıqmağa başlay, haber ete Radіo Svoboda. Harkov halqara ava limanından Türkiyeniñ Erzincan şeerinde eki ava seferi ile 347 Ahıska Türkü çıqıt.

Türkiye cumhuriyetiniñ Ukrainadaki elçisi Yonet Can Tezelniñ aytqanı kibi, bir ay devamında memleketke üç biñ insan yollanılacaq.

«Ukrainada bir sekiz-doquz biñ Ahıska Türkü yaşay, olardan çoqusı – Slavânsk civarında. Bıltır başlanğan arbiy areketlerniñ neticesinde insanlarnıñ ev ve tarlalarına zarar ketirildi. Bu insanlar Türkiye akimiyetinden yardım soradı», – tarif ete Yonet Can Tezel.

Sözlerine köre, insanlarğa Erzincаn şeerinde mesken berecekler. Türkiye elçisi söz bergeni kibi, akimiyet Ukrainadan köçip kelgenlerge yardım qıdırmağa yardım etecek.

Yonet Can Tezel dey ki, qavmiy türklerniñ alıp çıqması Türkiye ve Rusiye arasında munasebetlerniñ bozuluvına bağlı degil.

XS
SM
MD
LG