Link açıqlığı

Saatnıñ esas haberi

Yalta tükânları Türkiye malından vazgeçe – şeer memuriyeti


Yalta şeer memuriyeti başınıñ muavini İvan Payuk dey ki, şeer tükânları Türkiye malından vazgeçe. Yalta şeer memuriyetiniñ matbuat hızmeti bildirgeni kibi, bunı Payuk dekabr 25 künü, şeerniñ bala mahsulatı ve turmuş tehnikası satılğan eñ büyük tükânı ziyareti devamında ayttı.

Aytqanı kibi, regionnıñ ticariy ağı malnıñ ketirilmesi ile iç bir problemlerge rastkelmey, Rusiye çarşısı ise «Yalta sakinleriniñ isteklerini tam yerine ketire».

«Vaziyetni nezaret etemiz, onı daima teşkeremiz, iş adamları ile işbirlikte bulunamız, kerek olsa, olarğa yardım etmek içün»«, – dey Payuk.

Türkiye sıñırında Rusiyege ait Su-24 cenk uçağı tüşürilgen soñ Rusiyede Türkiye vatandaşları içün migratsion qaideleri bayağı deñişti. Bundan ğayrı, Rusiye prezidenti Vladimir Putinniñ Türkiyege qarşı kirsetken cezalarına köre, 2016 senesi yanvar 1-den itibaren Türkiye vatandaşlarını işke almaq yasaqtır. Bu sıñırlar 2015 senesi dekabr 31-ne qadar Türkiye vatandaşları ile qurulğan iş munasebetlerine tesir etmey.

XS
SM
MD
LG