Qırımda, Yılbaş bayramları arfesinde, güller açtı. Beyaz ve qızıl çeçekler, dekabr ayında ava arareti sıfırdan yuqarı yigirmi derecege yetkeninden soñ, Qırım soqaqlarında peyda olmağa başladı.
Qırım.Aqiqat mühbiri bildirgeni kibi, qış içün pek sıcaq ava olğanından sebep yarımada şarqında olğan ve daa da suvuq bir yer sayılğan Keriç soqaqlarında bile güller açtı.
Qırım gidromerkezi bildirgeni kibi, cuma künü Qırımda ava araretiniñ azamiy derecesi sıfırdan yuqarı 18, yalı boyunda – 20 derecege yete edi.
Bunıñ ile Keriçniñ bazı rayonlarında sakinler şu künleri sıfırdan yuqarı 23-24 dereceni qayd etken edi.
Şu raatlıq künleri yarımadada ava sıcaq olacaq, amma bazarertesi künü, yanvar 28-de, Qırım avasınıñ birden bozulması mümkün, bazı yerlerde boran, qarnıñ olması beklenile.
