Link açıqlığı

Ukraina Haber siyaseti nazirliginiñ temsilcileri ve Qırım uquq qoruyıcıları Qırım işğaliniñ ekinci yıllığına bağışlanğan umumiy haber kampaniyasınıñ keçirilmesinde işbirlik qurmağa añlaştılar. Bu aqta nazirlikniñ matbuat hızmeti bildire.

«Haber siyaseti nazirligi fevral 26 künü Ukraina prezidentiniñ bütün ukrain cemiyeti, şu cümleden, qırımlılarğa muracaatınıñ olması üzerinde çalışmağa başladı», – dedi haber siyaseti naziriniñ Qırım meselelerinden keñeşçisi Emine Ceppar.

Kampaniya çerçivesinde «Qorqu adası: işğal ve insan aqlarınıñ bozuluv hronikası» kitabınıñ ekinci qısmı basılacaqtır, dep bildire İnsan aqları boyunca ukrain Helsing birliginiñ idarecisi Darya Sviridova.

Vatandaşlıq serbestligi merkeziniñ reisi, YevromaydanSOS idarecisi Aleksandra Matviyçuk Qırım Rusiye akimiyeti tarafından taqip etilgen 13 qırımlınıñ caseleri üzerinde yapılğan çalışma aqqında tarif etti.

Ukraina Haber siyaseti Nazirliginde fevral 26 kününi yarımadanıñ Rusiye işğaline qarşılıq künü olaraq ilân etmege teklif eteler. Bu kün Qırımnıñ Rusiye işğaline yol bergen vaqialarnı aks ete. Şu cümleden, Qırım parlamenti yanında keçirilgen kütleviy miting aqqında söz kete, o zaman faaller qanunsız «referendum»nıñ belgilenmesine keder etmege tırıştılar.

Fevral 26 künü Qırım parlamenti yanında keçirilgen miting Qırım deputatlarınıñ «referendum»nı belgilemege qararını biraz uzattı.

Neticede Qırımnıñ Rusiye prokuraturası fevral 26 künü olğan kütleviy tertipsizlikler sebebinden cinaiy işlerni açmağa başladı. «Fevral 26» işi boyunca bir sıra qırımtatar faali keçe.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG