Link açıqlığı

Saatnıñ esas haberi

Qırımda «narazılıq meydançıqlarınıñ» iştirakçilerini topraqsız qaldıracaq olalar


Qırım Rusiye Devlet şurasınıñ mülkiyet ve topraq munasebetleri boyunca komitetniñ reisi Yevgeniya Dobrınâ aytqanı kibi, Qırım «narazılıq meydançıqlarında» bütün inşaatlarnı 2016 senesi yanvar 1-ne qadar devirmek kerekler. Aks alda, bu inşaatlarnıñ saiplerine iç bir vaqıt topraq berilmez, dedi o «Rossiya segodnâ» radiosınıñ efirinde.

«Bütün samozahvatlar, müthiş qaburçaq, arançıqlarnı 2016 senesine qadar devirmek kerekler. Aks alda, bu arançıqlarnı qurğanlar iç bir vaqıt topraqnı almaz ve Rusiye qanuniyetine köre cevap berecektir. Evelden tenbileymiz, doğrusı, saipleri çoqtan olarnı devirmek kerek edi», – dey Dobrınâ.

Onıñ sözlerine köre, Qırımda öz başına elge keçirilgen topraq damartılarınıñ problemini 2017 senesine qadar al etecek olalar.

Qırım Milletler komitetinde evel bildirilgeni kibi, bu inşaatlarnı qurğan vatandaşlarğa olarnıñ qanuniyligi tanılmasına arizalarnı 2016 senesi yanvar 1-ne qadar bermege kerek edi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG