Ukraina baş naziri Arseniy Yatsenük Yuqarı Radanıñ cuma toplaşuvında bildirdi ki, «2016 senesi devlet büceti aqqında» qanun leyhasında Qırımtatar Milliy Meclisi faaliyetiniñ maliye etilmesi qayd etildi.
«Bücetten 40 mln grn Qırımtatar Milliy Meclisiniñ faaliyetine yardım köstermek ve maliye etmek içün ayırılacaq», – dep tekrarlay Yatsenükniñ aytqanlarını »İnterfaks-Ukraina».
Agentlikniñ malümatına köre, o, «Devletteleradiokompaniyası» bücetinde ATR qırımtatar telekanalı içün de para belgilengenini ayttı.
Ukraina Yuqarı Radası gece toplaşuv keçirip, Kiyev saatine köre saat 04:05 2016 senesi devlet bücetini qabul etti. Deputatlar alğan vesiqada kâr ve masraf köstergiçleri bar – Ukraina 595 milliard grivnadan ziyade alacaq. Maliye nazirliginiñ tahminlerine köre, masraflar 667 milliard 733 million grivnanı teşkil ete.
