Link açıqlığı

Qırımtatar Milliy Meclisi tarafından teşkil etilgen Qırım vatandaşlıq qamaçavı Qırım etrafındaki vaziyetni deñiştirdi, em qıtaiy Ukrainada, em Qırımnıñ özünde, dep tüşüne ATR qırımtatar telekanalı baş müdiriniñ muavini, Qırım qamaçavı boyunca aktsiya matbuat hızmetiniñ başı Ayder Mujdabayev.

Bu aqta o Radіo Svoboda efirinde bildirdi.

«Ukrainada, akimiyet pıtaqları tarafından deşetli qarşılıq olğanına baqmadan, menimce, Qırım meselesi birinci yerlerge qayttı. Onı şimdi körmemezlikke urmağa olmay. «Federal Qırım okrugı» ile muqavelelerniñ imzalanuvı aqqında, Qırımdan elastınıñ keçirilmesi aqqında sualler meydanğa çıqtı, Qırım o qadar şeyni qullanmağan edi, oña «qara teşik»ke kibi ne qadar şey kirip, soñra Rusiyege ketti. Yani bu ticariy mevzunı artıq inkişaf etmege imkân yoq. Ukrainada olğanı budır», – dep añlattı Mujdabayev.

Aytqanı kibi, şimdi Rusiye nezareti altında olğan Qırımda qamaçavnıñ rolü büyük oldı, Mujdabayevniñ fikrine köre, bu andaki akimiyetniñ çaresizligini kösterdi. Fikrine binayen, Qırım Rusiye başı Sergey Aksenov ve federal akimiyeti arasında yüz bergen soñraki ziddiyet bunı tasdiqlay.

«Anda Aksenovnı tayinlegen isnanlarnıñ Aksenovnıñ özü ile davalaşqanında körüne. Mına sizge eki misal, Meclis sentâbr 20 künü başlağan qamaçavı memuriy sıñırnıñ em o, em bu tarafında vaziyetni deñeştirdi», – dey Mujdabayev.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Qamaçav iştirakçileriniñ talapları arasında – siyasiy mabüslerniñ azat etilmesi, Qırımda insan aqlarına riayet etüv ve yarımadağa halqara eyyetlerniñ kirsetilmesi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG