Qırımnıñ haber saasında müim yer haber imayesine ayırıla, dedi Qırım Rusiye ükümetiniñ başı muavini Dmitriy Polonskiy.
«Şimdiki vaziyetimizni yahşı añlaymız. Etrafımızda dost yoq, Qırımnı qıta ile bağlağan Keriç boğazı yekâne dostluq ayatıdır. Şunıñ içün cumhuriyet içün haber saasında haber qoruvı pek emiyetlidir, bu vazifeni uquq qoruyıcı organları ile işbirlikte bulunıp al etmege mümkün», – dep bildire Polonskiyniñ matbuat hızmeti.
Qırımnıñ Rusiye başı Sergey Aksenov havfsızlıq organlarınıñ akimiyet ve cemaat teşkilâtları ile işbirligi aqqında aytqan edi. Aksenov Qırım «ağır vaqıtlarnı» yaşağanını qayd etti.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
