Qırım kurortları Rusiye vatandaşları raatlanmağa alışqan Türkiye ve Mısır kurortlarınıñ yerini öyle de almadı, dedi Qırımnıñ Rusiye başı Sergey Aksenov NTV telekanalına.
«Biz yıl içinde iqtisadiyatnı öyle yüksek seviyege köterip olamadıq, obyektlerimizde servisni bir nizamğa ketirmege yetiştirmedik, Türkiye ve Mısırda olğanı kibi, olar 20 yıl buña kete edi», – dedi Aksenov.
Qayd etkeni kibi, Qırımnıñ kurort saası yarımadanıñ iqtisadiyatı eyileşmegence inkişaf etmeycek.
Mısırda Rusiye uçağınıñ tüşmesinden soñ Rusiyeniñ turistleriniñ sayısı eksildi. Bundan soñ Qırım akimiyeti yarımadada Rusiye turistlerini beklegeni aqqında bildirdiler.
