Link açıqlığı

Saatnıñ esas haberi

Qırım ve Aqyarda Rusiye pasportını eki milliondan ziyade insan elde etti – Rusiye Fevqulâde işler nazirligi


Qırım ve Aqyarda eki milliondan ziyade insan 2014-2015 seneleri Rusiye Federatsiyası vatandaşlarınıñ pasportlarını elde etti, dep bildire Qırımda Rusiye Federal migratsion hızmetiniñ reberi Petr Yaroş.

«Eki milliondan ziyade insan. Büyük bir sayı. Rusiyeniñ iç bir regionı böyle raqamnı köstermey edi. Ukrainada, Rusiyede o qadar pasportnı bermek içün beş – yedi yıl kerek edi, biz öyle qısqa vaqıt içinde becerdik», – dedi Yaroş jurnalistlerge Aqmescitte.

Şu cümleden, bu sene Rusiye pasportlarını 145 biñ qırımlı elde etti.

«Rusiye Federatsiyası pasportlarınıñ endi deñiştirüvini beceremiz. Teessüf ki, bazı insanlar olarnı endi coya, yaş, evlenüv, nazar sebebinden. Bazıları soñunace uzattı ve şimdi kelip Rusiye pasportlarını ala, amma olarnıñ sayısı pek küçük», – qayd etti Yaroş.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG