Aqyarda dekabr 31 kününi raatlıq künü olaraq ilân ettiler, dedi şeer valisniñ matbuat kâtibi Kirill Moskalenko.
TASS Rusiye agentligi bildirgeni kibi, bu qararnı fevqulâde vaziyetniñ yoq etilmesi boyunca şeer komissiyası tarafından qabul etildi.
«Vali iş ziyareti ile bulunğan Moskva şeerinden qaytıp imzalar», – dedi Moskalenko.
Şu künleri Menâylo dekabr 31 kününi raatlıq künü olaraq ilân etip, elektrik energiyasını iqtisat etmege çağırdı.
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Qamaçav iştirakçileriniñ talapları arasında – siyasiy mabüslerniñ azat etilmesi, Qırımda insan aqlarına riayet etüv ve yarımadağa halqara eyyetlerniñ kirsetilmesi.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
