Link açıqlığı

Saatnıñ esas haberi

Aksenov qırımtatarlarnıñ yarımadada zulum altında olğanını red ete


Qırımnıñ Rusiye başı Sergey Aksenov şimdi Rusiye nezareti altında olğan Qırımda qırımtatar halqınıñ zulum altında olğanı aqta malümatnı red ete.

Bu aqta o Rusiyeniñ NTV telekanalına bildirdi.

«Temiz yalan. Qırımda iç bir vaqıt olmağan bir de bir erbaplar bunı ayta», – dedi Aksenov.

Aytqanı kibi, ğarbiy jurnalist ve ekspertlerge defalarca kelip eksperiment keçirmege teklif etken edi – «azırlanmayıp, Qırımnıñ bir de bir köyüne barmağa ve insanlarnıñ Rusiye Qırımda yaşayışı aqqında soraştırmağa».

«Menimce, ondan doquzı doğru rey bergenleri aqqında aytırlar, ve daa saylamağa kerek olsa, 100 kere öyle eteceklerini bildirirler», – dey Aksenov.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG