Link açıqlığı

Keriçte şeerniñ merkezini Voykov zavodı yerleşken rayon ve Keriç parom keçiti ile birleştirgen naqliyat köprü çatladı. Qırım.Aqiqatqa şaatlar bildirgeni kibi, yol üstünde çuqurlar bar olğanına baqmadan, köpürde naqliyat areketi toqtatılmay.

Köpürde yük maşinaları, şahsiy ve cemaat naqliyatı yürmege devam ete, trolleybuslar da, şu cümleden.

Şimdi çuqurlarnı asfalt ile toldurdılar, amma, aydavcılarnıñ sözlerine köre, bu meseleni al etmedi.

Keriç şeer şurası saytında köpürniñ tamirlenecegi aqqında iç bir malümat yoq.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG