Qırımdan ukrain yırcısı Camala dekabr 23 künü «Dahabraha» taqımınıñ kontsertinde iştirak etecek. Kontsert «KPİ» medeniyet evinde keçirilecek, dep bildire yırcınıñ matbuat hızmeti.
«Çıqış çerçivesinde olarnıñ umumiy «Zamanili» yırı taqdim etilecek, metinni Camala yazdı, muzıkası «Dahabraha» gruppası ve yırcınıñ altı saatlıq işi neticesinde yazıldı», – denile beyanatta.
Camala dey ki, yırcılar çoqtan bir-biriniñ icadını nezaret ete ve böyle imkân peyda olğanda, birlikte çalışmağa birden razı oldılar.
Dekabr 14 künü Camala Kiyevde efsaneviy Michel Legrand kontsertinde davet etilgen musafir olaraq iştirak etti.
Camala – aslı qırımtatar ukrain yırcısı, muzıkası caz, soul, elektron ve halq muzıkasını qaplap ala. Yaqında Camala ukrain rejissörı Oles Saninniñ «Povodır» filminde baş qadın rolüni icra etti.
