Link açıqlığı

Saatnıñ esas haberi

Ceppar: Qırım talebeleriniñ Ukrainada uzaqtan tasil aluvı içün 10 mln grn kerek


Qıtaiy Ukrainada Qırım talebeleriniñ uzaqtan tasil alması içün 10 mln grn kerek. Bunı Ukraina haber siyaseti naziriniñ keñeşçisi Emine Ceppar Kiyevde Qırım faali ve Qırımdan köçip kelgen studentler, Ukraina Tasil nazirliginiñ temsilcileri ile körüşüvde bildirdi.

«Ukraina Tasil ve ilim nazirligi Nazirler kabinetinden Qırım talebeleriniñ uzaqtan tasil aluvını teşkil etmek içün 10 mln grn soray. Ukrainada bir qaç mektep bu hızmetni bermege azır. Bu yönelişte eñ muvafaqiyetli – Kiyevniñ №81 mektebi! Amma veb-kamera, bilgisayar, maliye ve elektron kitaplar kerek», – yazdı Ceppar Facebookta.

Boris Grinçenko adına Kiyev universitetiniñ mezuniyetten soñra tasil institutı Ukrainanıñ işğal etilgen territoriyalarında yaşağan talebelerniñ uzaqtan tasil aluvı boyunca leyhanıñ keñişlevi aqqında bildirdi. Bıltar leyha çerçivesinde oqutuv Kiyevniñ №81 mektebinde keçirile edi. Deñevde Donetsk ve Lugansk vilâyetlerinden 19 ve Qırımdan eki talebe iştirak etti. Ukrain attestatlarını altısı elde etti. Ukrainanıñ ileri aliy oquv yurtlarınıñ studentleri oldılar.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG