Link açıqlığı

Çubarov SNBOnı Qırımğa elektrik energiyasınıñ berilmesi ile bağlı vaziyetni ögrenmege çağıra


Halq deputatı, Qırımtatar Milliy Meclisiniñ reisi Refat Çubarov Milliy Havfsızlıq ve mudafaa şurasınıñ toplaşuvında Qırım Muhtar Cumhuriyetine elektrik energiyasınıñ berilmesi aqta meseleni ve bu mevzu ile bağlı añlaşmalarnı ögrenmege çağırdı. Bu aqta o dekabr 23 künü keçirilgen toplaşuvda bildirdi.

Çubarov dey ki, ukrain vekâletli şahıslar tarafından Moskva ile Qırım elektrik teminlevi aqqında imzalanılğan ve onıñ Ukraina territoriyası olğanı yazılmağan er angi vesiqa «Ukraina mevamınıñ teslim etilmesi, devlet hainligi olacaqtır».

Siyasetçi «yañı hainlikniñ ögüni almaq» içün SNBO toplaşuvında bulunmasını zaruriy saya.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG