Link açıqlığı

Qırımdan ukrain boksçusı, WBO versiyası boyunca qıtalarara çempionı Aleksandr Usik yarımadada boks mektebini inkişaf ettirecek ola. «Sayt Simferopolâ» neşirine boksçu öz planları aqqında tarif etti.

«Planlarımda endi çoqtan bar – tuvğan Aqmescitte boksnı inkişaf etmek. Amma tek boksnı degil – umumen sportnı, nesilimizniñ sağlam olması içün. 10 gençten eñ azından sekizi tükânğa bira almaq içün degil de, mineral suvu ya şira içün kirsin dep», – dey sportçu.

Aytqanı kibi, boks mektebiniñ inkişaf leyhası onıñ şahsiy teşebbüsidir, amelge keçirilmesine şimdi kimse daa qol tutmay. «Sportnı inkişaf etmek içün, muayyen imkânlar kerek, şu cümleden, maliyeviy, şimdi sağlam sport terbiyesini inkişaf etmek içün imkâniyetler yeterli degil», – dedi boksçu.

Şimdi Aleksandr Usik Aqmescitte buluna ve mında Yılbaş bayramlarını keçirmek niyetindedir. «Yañı yıl – aile bayramıdır. Ve, elbette ki, onı ailem, tuvğanlarım ve yaqınlarım ile qayd etecegim. Qırımda, tuvğan Aqmescitte», – dedi Usik.

Dekabr 12 künü Kiyevde Aleksandr Usik Pedro Rodriges ile küreşinde WBO versiyası boyunca qıtalarara çempionı unvanını qorçaladı.

XS
SM
MD
LG