Ukraina halq deputatı Anton Geraşçenko dey ki, Qırım qaytarıluvı meselesi Rusiye Federatsiyasına qarşı sanktsiyalarnıñ kirsetilmesi ile bir sırada baqılmalı. Bu aqta halq deputatı Qırım.Aqiqatqa bildirdi.
Geraşçenko şunı da qayd etti ki, Ukraina prezidenti Petro Poroşenko, memleketniñ topraq bütünliginiñ garantı olıp, «işğal etilgen Qırım MC ile olacaq munasebetlerniñ variantını» taqdim etmeli.
Aynı zamanda, aytqanı kibi, «Narodnıy front» firqasınıñ Qırım qaytarılması boyunca öz mevamı bar ve oña köre, Rusiye Federatsiyasına qarşı sanktsiyalar kirsetilmeli.
«Mevamımız böyle: duşmanğa, Rusiye Federatsiyasına zarar ketirmege çaremiz olğan er yerde bunı etmelimiz. Rusiye Federatsiyasına sanktsiyalarnı belgilemek ve oña Ukrainada qazanmağa çare bermemek kerek», – dey Anton Geraşçenko.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
