Kefe yolbaşçılığınıñ yaqalanuvı ve Rusiye matbuat vastalarında Qırım akimiyetiniñ yaramdada maliye yetişmemezligi aqqında yüzleviden sebep köterilgen şamata – yarımada başı Sergey Aksenovğa Kremlden ihtardır, dep tüşüne ukrain siyasetşınası Taras Berezovets.
Bu aqta o Qırım.Aqiqat Radiosı efirinde bildirdi.
«Kreml Aksenovğa «qara nişan»nı yollay. O (Aksenov – QA) susmasa, özüni böyle alıp barmağa toqtamasa, daa da ciddy qararlarnıñ olacağı aqqında tenbiye», – dep tüşüne Berezovets.
Şunı da qayd etti ki, Rusiye akimiyeti Qırımnınıñ yerli akimiyetini başqa yerlerden kelgen şahıslarğa deñiştirecek ola. Siyasetşınasnıñ fikrine köre, yaqında yarımadada Aksenovğa yaqın olğan insanlarnıñ yaqalanuvı mümkün.
Federal matbuat vastaları Rusiye ükümeti Qırım yolbaşçılığınıñ işinden ve Aksenovnıñ yarımadağa ayırılğan para yetişmegeni aqqında beyanatından memnün olmağanı ile bağlı beyanatlarnı aşkâr etti. Rusiye baş nazir muavini Dmitriy Kozak dey ki, şimdi cumhuriyetniñ birinci şahıslarından bir kimse istifağa çıqmaycaq, amma Qırım memurlarınıñ tarafından maliye vastaları nege masraf etilgeni ögrenilecek.
