Link açıqlığı

Ukrain siyasetşınası Taras Berezovetsniñ fikrine köre, Rusiye prezidenti Vladimir Putin Qırımdan, çezilmegen meselelerden sebep, boldurğandır.

Bu aqta o Qırım.Aqiqat Radiosınıñ saba efirinde bildirdi, Qırımnıñ Rusiye başı Sergey Aksenov ve federal akimiyet arasında yüz bergen ziddiyetni izaatlap.

«Qırım bugün Putin içün pek paalı ve usandırıcı oyuncaq olmaqta ve onıñ bundan boldurğanı endi körüne. Çünki Qırımda endi ğalebe yoq, Qırımda bugün tek mağlübiyet, tek problemalar bar. Maliyeviy ceetten qısqartuvlar devam etecek. Aksenovnıñ bugün tüşkün alı da añlayışlıdır. Çünki onıñ yarımadadaki akimiyeti olduqça zordır. Şunı añlaymız ki, teşviqat neticesinde Qırım yerli ealisi aynı Aksenovnı bu meselelerde qabaatlı tanıy», – dey Berezovets.

Federal matbuat vastaları Rusiye ükümeti Qırım yolbaşçılığınıñ işinden ve Aksenovnıñ yarımadağa ayırılğan para yetişmegeni aqqında beyanatından memnün olmağanı ile bağlı beyanatlarnı aşkâr etti. Rusiye baş nazir muavini Dmitriy Kozak dey ki, şimdi cumhuriyetniñ birinci şahıslarından bir kimse istifağa çıqmaycaq, amma Qırım memurlarınıñ tarafından maliye vastaları nege masraf etilgeni ögrenilecek.

XS
SM
MD
LG