Link açıqlığı

Qırımnıñ Rusiye tarafından işğal etilmesinden sebep zarar körgen ukrain şirketleri mahkeme davalarını azırlay, dedi Ukraina tış işler naziri Pavlo Klimkin.

«Kelecekte olacaq mahkeme ketişatları üzerinde ayrı şirketlerimizge tazminatnıñ ödenilmesi boyunca çalışamız. Bazıları yaqın vaqıtta olacaq. Şirketlerge kelsek – bir çoq şirket bar, bunı tertip-nizamğa ketiremiz, endi mahkeme davalarını bergenler, bilesiñiz, Oşçadbank, «Naftogaz», bir çoq şirket bunen oğraşa, bu ketişatlarnı nezaret etemiz. Amma yaqın vaqıtta başqa işler de açılacaq, şimdi adliyeciler ile bu davalarnıñ mantığını işlep çıqardıq», – dedi Klimkin dekabr 21 künü «Gromadske TV» kanalına.

Qırımnıñ Rusiye işğali sebebeinden, Ukraina adliye nazirliginiñ malümatına köre, zarar 1 trillion 180 mlrd grn teşkil ete. Ukraina Yuqarı Radasınıñ deputatı Georgiy Logvinskiy aytqanı kibi, işbu miqdar eki qat artıp, 2,4 trillionnı teşkil etecektir.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG