Cemaat mukâfatı – Qırımtatar Milliy Meclisiniñ reisi muavini, siyasiy mabüs Ahtem Çiygozğa «Ukraina Halq Qaramanı» nişanı vaqtınca Meclis reisi Refat Çubarovnıñ elinde olacaqtır.
«Eminim, bilem, biraz vaqıt keçse, kene birlikte toplanırmız, amma endi azat Qırımda, o vaqıt Ahtem Çiygoz da yanımızdı olacaqtır. Epimiz birlikte vaqtınca elimde olğan bu mukâfatnı oña berermiz», – yazdı Çubarov Facebookta.
İşbu mukâfatnı 2015 senesi noyabr 18 künü askerler ve Vatanını qorçalağanda vefat etkenler, göñülliler, cemaat erbapları elde ettiler. Olarnıñ arasında – siyasiy mabüs, Qırımtatar Milliy Meclisi reisiniñ muavini Ahtem Çiygoz. Bunıñ ile Qırım Rusiye tarafından işğal etilmesinden soñ ğayıp olğan ve 2014 senesi baarde cansız alda tapılğan Reşat Ametov da nişandar oldı.
«Ukraina Halq Tuğrası» «nişanı» – devletke baqmağan mukâfattır, 2015 senesi eski şeylerniñ kollektsioneri ve göñülli Andrey Boyeçko ve quyumcı Dmitriy Şçerbakovnıñ teşebbüsi ile tesis etildi.
Nişan eki tarzda yapılğan: qırmızı-qara şeriknen – askerler içün ve sarı-mavı şerik ile – göñülli ve tibbiyet adamları içün.
Evel bu mukâfatnı qırımtatarlarnıñ milliy lideri Mustafa Cemilev elde etken edi.
Qırımtatar Milliy Meclisi reisiniñ muavini Ahtem Çiygoznı Qırım parlamenti yanında 2014 senesi fevral 26-da keçirilgen kütleviy tertipsizliklerni meydanğa ketirmesi boyunca qabaatlap, 2015 senesi yanvar 29-da yaqaladılar.
2015 senesi noyabr 30 künü Qırımnıñ Yuqarı mahkemesiniñ Çiygoznı 2016 senesi yanvar 29-na qadar apiste bulunması aqta qararını lâğu etmedi.
