Link açıqlığı

Qırım müftiyligi Aqmescitte Cuma Сamini qurğan türk şirketiniñ yerine başqa bir şirketni qıdıra


Aqmescitte Cuma Сaminiñ qurucılığı Rusiye-Türkiye arasında munasebetlerniñ bozuluvından soñ toqtatılğan, çünki işniñ esas qısmı Türkiye qurucılıq şirketi tarafından becerile edi.

Qırım.Aqiqatqa Qırım müftisiniñ muavini Ayder İsmailov aytqanı kibi, Qırım Musulmanlarınıñ Diniy İdaresi endi qurucılıqta iştirak etmege istegen diger namzetlerden arizalarnı alıp başladı.

«Esas şartımız – şirketniñ camilerniñ qurucılığı boyunca tecribesi olmalıdır»,– qayd etti İsmailov ve obyektniñ 2018 senesine qadar qurulıp bitirilecegi aqqında hatırlattı.

Levhağa 2 milliard ruble ayırılğan edi.

Qırımnıñ Rusiye akimiyeti ve Müftiyatı sentâbr 25 künü Aqmescitte Cuma Caminiñ qurucılığı başlağanı aqqında bildirgen edi, onı üç yıl içinde qurmaq niyetindeler. 2011 senesi Qırımda Vasiliy Cartı baş nazir olğan vaqıtta Aqmescitte Yaltinskaya soqağı, 22 adresi boyunca Cami-Caminiñ qurucılığına kapsula qoyğan ediler.

Noyabr 24 künü Türkiye-Suriye sıñırında Rusiye arbiy uçağı tüşürilgeninden soñ Rusiye-Türkiye arasında munasebetler bozulmağa başladı

XS
SM
MD
LG