Link açıqlığı

Qırımnıñ Rusiye devlet şurası resiniñ muavini Remzi İlyasov Türkiye prezidenti Erdoğannıñ Ukraina halq deputatı Mustafa Cemilev ile körüşüvini rezil ve Rusiyege qarşı bir areket olaraq adladı. Bu aqta RİA Krım bildire.

«Erdoğan ve Cemilevniñ menfaatı bir oldı. Umumiy menfaatı – Rusiyege qarşı siyaset», – dedi İlyasov.

O dey ki, qırımtatarlar Meclis yetekçileriniñ aytqanına qulaq asqan Türkiye akimiyetiniñ siyasetinden çorlana. İlyasov dey ki, Türkiye yolbaşçılığı öz «duşmaniy siyaseti» ile Rusiye ve Türkiye halqlarını bölmektedir.

Qırımnıñ Rusiye baş nazir muavini Ruslan Balbek aytqanı kibi, Türkiye prezidetni Rusiye ile munasebetlerni ileride de bozmaq içün qırımtatar faktorını qullana.

Qırımtatarlarnıñ yetekçileri dekabr 16-17 künleri memleketniñ birinci şahısları ile körüşmek içün Türkiye Cumhuriyetine iş ziyareti çerçivesinde kelgenler. Dekabr 16 künü Cemilev ve Çubarov Türkiye prezidenti Recep Tayip Erdoğan, baş naziri Ahmet Davuotğlu ve Tış işler naziri Mevlüt Çavuşoğlu ile körüştiler.

XS
SM
MD
LG