Link açıqlığı

«Qırım vatandaşlıq qamaçavı»nıñ yetekçisi Lenur İslâmov dey ki, aktsiya iştirakçileri Nazirler Kabineti tarafından qabul etilgen Qırımğa mal kirsetilmesiniñ toqtatıluvı aqqında qarardan memnün degil. Bu aqta o Qırım.Aqiqatqa bildirdi.

Olarnıñ fikrine köre, bu vesiqağa köre, Qırımğa ticariy maqsat ile malnıñ ketirilmesi mümkün.

«Anda bir insanğa 50 kilo, biz ise, şimdi olğanı kibi, bir maşnağa öyle tüşündik. Yani, arabağa 10 insannı toldurmağa mümkün, sıñırcılardan keçmek, soñra ise diger maşnalarda kete bile de. Demek, biz yarım tonna keçire bilemiz», – dedi İslâmov Qırım.Aqiqatqa.

Bundan da ğayrı, fikrine köre, işbu qarar qaparcılıqnı da nazarda tuta. İqtisadiy inkişaf nazirligi iqtisadiyat ve milliy havfsızlıq içün kerek olğan mallarnıñ kirsetilmesine izin bere bile eken. İslâmovnıñ fikrine köre, bu qarardan artqaç faydalanmaq mümkün olur.

QMC ve Aqyar meseleleri boyunca Devlet hızmetiniñ başı Nariman Ustayev bu tenqitni sebepsiz tanıdı ve eger de vekâletli işhaneler öz mecburiyetlerini yerine ketirse, memuriy sıñırda qaparcılıqnıñ olmaycağını qayd etti.

«Kiriş ve çıqış noqtalarında nezaret etici mütenasip organlar bar. Menimce, mında sual endi olarğa olmalı. Olar nasıl çalışacaq ve vazifelerini yerine ketirecek», – dey Ustayev.

Ukraina ükümetiniñ qarırna binayen bütün gümrük rejimleri boyunca vaqtınca işğal etilgen territoriyadan Ukrainanıñ diger territoriyasına ve/ya da Ukrainanıñ diger territoriyasından Ukrainanıñ vaqtınca işğal etilgen territoriyasına iş, mal ve hızmetlerniñ berilmesi yasaq etile. İstisnalar cedveline vatandaşlarnıñ şahsiy şeyleri, içtimaiy emiyeti olğan aşayt malları ve gumanitar yardım kire, umumiy fiyatı 10000 grivnadan, yükü – 50 kg ziyade olmamalı.

XS
SM
MD
LG