Qırım ressamı, qum resimleri ile belli olğan Kseniya Simonova Butan qıral ailesinde Qıral-babanıñ 60 yıllığı munasebeti ile çıqışta bulundı.
Bu aqta Qırım.Aqiqatqa Qırım ressamınıñ matbuat hızmeti bildirdi.
Simonovanıñ matbuat hızmeti bildirgeni kibi, Butanğa davetni ressam bir buçuq yıl evelsi aldı.
«Meni mahsus musafir olaraq davet etmek teşebbüsi şahsen qıralğa ait. Qumda bu acayip qırallıqnıñ tarihını ve memleketine ayatını qurban etken babasınıñ ikâyesini tasvir ete bilecegime ümüt besleу еdi», – dedi Simonova.
Bildirilgeni kibi, Simonova Butan qıral ailesiniñ azaları ögünde eki kere çıqışta bulundı, ekinci çıqışı yerli telekorüvniñ canlı yayında olıp keçti.
Simonovanıñ sözlerine köre, qum animatsiyası Butannıñ qıral ailesine bağışlana, memleketniñ inkişafı ve deñişmesi, şimdiki qıralnıñ ösip yetişmesi aqqında tarif ete.
Kseniya Simonova – qum animatsiyasınınñ ustası, «Ukraina maye talant-2009» yarışınıñ ğalibi, «Minuta slavı-2010» Rusiye yarışınıñ finalisti. 2010 senesi «Qırım Muhtar Cumhuriyetiyeniñ nam qazanğan ressamı», 2013 senesi – «Ukrainanıñ nam qazanğan medeniyet erbabı» unvanlarınıñ saibi oldı.
