Link açıqlığı

Aqyarda dekabr 18 künü Universitetskaya soqağındaki student yataqhanesinde yanğın yüz berdi. Yanğıncılar odalarında qalğan yedi insannı qurtardı, zarar körgenler aqqında malümat yoq, deyler Aqyar boyunca Rusiye Fevqulâde işler nazirliginiñ idaresinde.

Beyanatqa köre, yanğıncılarğa dörtünci qattaki pencreden duman çıqqanı aqqında haber keldi. Sakinlerden çoqusı tışarı öz başına çıqtı, amma bir qaç insan odalarında qapalı qaldı.

«Ayatta qoyu duman olğanı sebebinden odalarını terk etip olamay ediler. Yanğınnı söndürmek içün qurtarıcı hızmetiniñ dört taqımı celp etildi, olarnıñ küçü ile yataqhaneniñ yedi sakinini qurtardılar. Nefes aluv müçeleriniñ saqlanuvı içün mahsus aletlerni qullanıp, olarnı taze avağa alıp çıqtılar», – deyler idarede.

Olğan malümatqa köre, qurtarılğan bir şahısnı acele yardım brigadasına teslim ettiler, zarar körgen insan gaz ile zeerlendi.

Yanğın sebebi belgilene, yanğın yüz bergen odada kimse zarar körmedi..

XS
SM
MD
LG