Link açıqlığı

Qırım Rusiye akimiyetiniñ başı aytqanı kibi, Qırım 2015 senesi Qırım ve Aqyarnıñ 2020 senesine qadar inkişafı boyunca Rusiye federal yekâne programmasında qayd etilgen 15 mlrd rubleden «bir kapik bile almadı».

Bu aqta Aksenov Moskvada keçirilgen tögerek masa toplaşuvında Qırım ükümetiniñ «ruporı» «Krıminform» saytı bildire.

Aksenovnıñ sözlerine köre, maliyege muhtac olğan obyektlerden iç biri Rusiye iqtisadiy inkişafı nazirligi tarafından tasdiqlanılmağan.

«Bugün endi dekabr, bugünge, üç kere plan, cedveller, tedbirler uyğunlaştırılğanına baqmadan, bir kapik bile kelmedi. İyün 15-ne qadar cedvelni uyğunlaştırdıq ve bu aqta ükümet qararını qabul ettik», – dedi Aksenov.

«Qabaatlı olğanlarnı qıdırmağa» acet olmağanını qayd etti, degeni kibi, yalıñız qırımlılarğa berilgen vadelerni yerine ketirmek kerek.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG