Aqmescit rayonı Molodöjnoye qasabasında bir 70 ev ışıqsız qaldı. Qırımnıñ Rusiye ükümeti saytında bildirilgeni kibi, bunıñ sebebi – transformatornıñ bozuluvıdır.
Umumen qasabanıñ 69 evi ışıqsız qaldı. Qırım Nazirler şurasınıñ matbuat hızmeti bildirgeni kibi, qazaiy brigada endi yolğa çıqtı, saat 21:00 qadar tamir işlerini bitirmek kerektir.
Qırımnıñ Rusiye ükümetiniñ matbuat hızmeti bildirgeni kibi, cumaaqşamı qazadan sebep Aqmescit civarındaki Tavel ve Qarasuvbazar rayonı Üç Köz köyleriniñ sakinleri elektriksiz qaldı.
Rusiye akimiyeti dekabr 18 künü Aqşeyh rayonı Kereyit (Kommunarnoye) ve Taş Quyu (Ogorodnoye) köyleri ışıqsız qala bilecegini qayd etti, anda 9:00 – 16:00 saatleri eki stantsiyada tamir işleri yapılacaq.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.
