Ukraina prezidentiniñ qırımtatar halqınıñ işlerinden vekâletlisi Mustafa Cemilev ve Qırımtatar Milliy Meclisiniñ reisi Refat Çubarov Türkiye baş naziri Ahmet Davutoğlu ile körüştiler.
Çubarov bildirgeni kibi, körüşüv Konya – Ankara uçuşı vaqtında ükümet uçağında keçti.
Körüşüvniñ tafslitâlarını Çubarov aydanlatmay.
QHA haber agentliginiñ malümatına köre, qırımtatarlarnıñ yetekçileri Türkiye prezidenti Recep Tayip Erdoğan ile körüştiler. Neşirniñ bildirgeni kibi, körüşüv devamında Ukraina ile munasebet ve qırımtatarlarnıñ vaziyeti muzakere etildi.
Qırımtatarlarnıñ yetekçileri dekabr 16-17 künleri memleketniñ birinci şahısları ile körüşmek içün Türkiye Cumhuriyetine iş ziyareti çerçivesinde kelgenler. Dekabr 16 künü Cemilev ve Çubarov Türkiye Tış işler naziri Mevlüt Çavuşoğlu ile körüştiler.
