Dekabr 17 künü Aqmescitte Rusiye prezidenti Vladimir Putinniñ er yıllıq matbuat konferentsiyasını yüzge yaqın insan baqmağa keldi, amma bir saatten toplanğanlar dağılmağa başladı.
Qırım.Aqiqat mühbiri qayd etkeni kibi, yayınlavnı baqmağa kelgen insanlarnı Rusiye prezidentiniñ aytqanı degil de, başqaları öz iradesi ile keldimi kibi sual meraqlandıra edi.
«Sizni de baqmağa yolladılar?» – dep soray ediler bir-birinden toplanğanlar. İnsanlarnı yayınlavnı baqmağa kim yolladı kibi sualge kimse cevap bermedi, seyirciler qatiyen cevap bermege istemey edi.
Qırım.Aqiqat mühbiri bildirgeni kibi, Keriçte Putinniñ matbuat konferentsiyasını köstergen televizorlar yanında insan çoq degil edi.
Rusiye prezidentiniñ adetiy er yıllıq matbuat konferentsiyası dekabr 17 künü üylede başlandı. Qırımda prezidentniñ matbuat konferentsiyasını mobil televizion tertibatları vastasınen kösterdiler.
Vladimir Putin er yıllıq matbuat konferentsiyalarını 2001 senesi bermege başladı. 2008 senesi Putin 4 saat 40 daqqa içinde 106 sualge cevap berdi.
