Link açıqlığı

Saatnıñ esas haberi

Türkiye Rusiye gemileri içün boğazlarını qapatmaycaq – siyasetşınas


Türkiyede Çanakkale ve İstanbul boğazlarını Rusiye gemileriniñ keçmemesi içün qapatmağa sebep yoq, dey Türkiye siyasetşınası Toğrul İsmail.

Bu aqta o dekabr 17 künü Qırım.Aqiqat Radiosı efirinde bildirdi.

«Arbiy vaziyet kerek, çoq şükür, öyle bir şey yoq. Türkiye qarşı qararlarnı qabul ete. Rusiye tarafından ciddiy areketler olsa, Türkiye oña köre cevap berecek. Amma ilk nevbette boğazlarnıñ qapatılacağını tüşünmeyim. Bundan pek şübelenem», – dedi o.

Noyabr 24 künü Türkiye-Suriye sıñırında Rusiye arbiy uçağı tüşürilgeninden soñ Rusiye-Türkiye arasında munasebetler bozulmağa başladı, Ankara tarafından Qara ve Ege deñizlerini bağlağan Çanakkale ve İstanbul boğazlarınıñ Rusiye gemileri içün qapatılması mümkün olacağı aqqında laf yürütilmege başladı. Türkiye eki boğaznı tam nezaret ete, amma gemilerniñ qatnavını halqara qanuniyet idare ete.

XS
SM
MD
LG