Link açıqlığı

Ukraina Haber siyaseti nazirliginde fevral 26 kününi Qırım işğaline qarşılıq Künü olaraq ilân etmege teklif eteler


Ukraina Haber siyaseti Nazirliginde fevral 26 kününi yarımadanıñ Rusiye işğaline qarşılıq künü olaraq ilân etmege teklif eteler. Bu aqta Qırım.Aqiqatqa haber siyaseti naziriniñ keñeşçisi Emine Ceppar bildirdi.

Aytqanı kibi, bu kün Qırımnıñ Rusiye işğaline yol bergen vaqialarnı aks ete. Şu cümleden, Qırım parlamenti yanında keçirilgen kütleviy miting aqqında söz kete, o zaman faaller qanunsız «referendum»nıñ belgilenmesine keder etmege tırıştılar.

«Bugün qırımlılar Qırımnı teslim etti ve Rusiye işğaline qarşı çıqmadı kibi efsaneler yaşay. Bu efsane yalan olğanını köstermege ister edik ve fevral 26 kününi Ukraina haber alanına Qarşılıq künü kibi kirsetir edik. Çünki o kün bizde bar edi ve bu aqta aytmaq kerek», – dedi o.

Fevral 26 künü Qırım parlamenti yanında keçirilgen miting Qırım deputatlarınıñ «referendum»nı belgilemege qararını biraz uzattı.

Neticede Qırımnıñ Rusiye prokuraturası fevral 26 künü olğan kütleviy tertipsizlikler sebebinden cinaiy işlerni açmağa başladı. «Fevral 26» işi boyunca bir sıra qırımtatar faali keçe.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG