Türkiye paytahtı Ankarada çarşenbe künü Ukraina prezidentiniñ qırımtatar halqınıñ işlerinden vekâletlisi Mustafa Cemilev ve Qırımtatar Milliy Meclisiniñ reisi Refat Çubarov Türkiye Tış işler naziri Mevlüt Çavuşoğlu ile körüşti. Bu aqta Meclisniñ matbuat hızmeti bildire.
«2015 senesi dekabr 16-da Ankarada qırımtatarlarnıñ yetekçileri Mustafa Cemilev ve Refat Çubarov Türkiye Tış işler naziri Mevlüt Çavuşoğlu ile körüştiler», – denile beyanatta.
Körüşüv tafsilâtları bildirilmey.
Türkiye yolbaşçılığı Ukraina topraq bütünligine qol tutqanı aqqında defalarca bildirgen edi, amma memleket Rusiyege qarşı Qırım işğali ve Ukraina şarqındaki ziddiyet sebebinden kirsetilgen cezalarğa qoşulmadı.
Türkiyede qırımtatarlarnıñ eñ büyük diasporası yaşay.
