Link açıqlığı

Aqmescit akimiyeti şeerniñ çoq qatlı evlerinde yarımadada energetik teminlevi ile olğan problemlerden sebep çalışmağan liftlerni işlettirmege qarar aldı. Bu aqta Aqmescit Rusiye memuriyetiniñ matbuat hızmeti bildirdi.

Şeerniñ Rusiye memuriyetiniñ başı Gennadiy Baharev aytqanı kibi, Aqmescit şeeri elektrik energiyasını tam derecede qullanılmağanı içün liftlerni işlettirmege mümkün.

«Liftlerniñ işlettirilmesi ile aynı sırada qurucılıq meydanlarına da elektrik berilecek, soñra soqaq yarığı çalıştırılacaq. Bukün Aqmescit içün emiyetli olacaqtır», – dedi Baharev.

Salı künü, dekabr 15-de, Rusiye prezidenti Vladimir Putin Kremlden Qırımğa Krasnodar diyarından energetik köpürniñ ekinci yolağınıñ berilmesi aqqında bildirdi, o yarımadağa qoşma 220 MVt energiyasını berecektir.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Dekabr 8 künü Ukraina energetik tertibatından Qırımğa bir elektrik yolağı boyunca elektrikniñ berilmesi ğayrıdan tiklendi. Amma Qırımda alâ daa ağ qazaları yüz bere.

XS
SM
MD
LG