Link açıqlığı

Saatnıñ esas haberi

Qırımda Fevqulâde vaziyetniñ rejimi saqlanıla, yarıqnı künde 3-4 saatke söndürmege vade eteler


Qırımda yarımadağa Rusiyeden energetik köpürniñ ekinci yolağı berilgeninden soñ bile FV rejimi saqlanıla, dedi dekabr 15 künü Qırımnıñ Rusiye başı Sergey Aksenov. Aytqanı kibi, yarıqnı söndürecekler, amma çoqqa degil.

«Ekinci yolaqnıñ berilmesi sanaiy şirketler ve ticariy saa işiniñ cedvelini işlep çıqarmağa imkân berir. Amma qıtlıq episi bir olacaqtır», – dedi o.

«Şunıñ içün, fikrime köre, FS rejimini lâğu etmege kerekmey, amma, elbette, tam derecede üküm sürmeycek endi», – dedi Aksenov ve yarıqnıñ 3-4 saatke söndürilecegi aqqında bildirdi.

Salı künü, dekabr 15-de, Qırımda yarımadağa Kubanden uzattırılğan energetik köpürniñ ekinci yolağını bekleyler.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Dekabr 8 künü Ukraina energetik tertibatından Qırımğa bir elektrik yolağı boyunca elektrikniñ berilmesi ğayrıdan tiklendi. Amma Qırımda alâ daa ağ qazaları yüz bere.

XS
SM
MD
LG