Link açıqlığı

Yaltada salı kününden mektep ve bala bağçalarınıñ işini ğayrıdan başlamağa qarar aldılar


Yalta akimiyeti dekabr 14 künü FV aqibetleriniñ yoq etilmesi boyunca ştabnıñ toplaşuvında dekabr 15 kününden regionda mektep ve bala bağçalarınıñ işini ğayrdan başlamağa qarar aldı. Olar yarımadada elektrik ile bağlı problemlerden sebep çalışmay edi.

Bu aqta Yalta şeer memuriyetiniñ matbuat hızmeti bildire.

«Dekabr 15-den regionnıñ mektep ve bala bağçaları çalışmağa başlaycaq, Ay Vasıl bala bağçasından ğayrı, o tamir işleri içün qapalı, balaçıqlar ise şeerniñ diger oquv yurtlarına avuştırılğan» – denile beyanatta.

Yalta memuriyetiniñ başı muavini Viktor Komissarov bildirgeni kibi, Yalta regionında quvetniñ sıñırı 60 MVt teşkil ete.

Dekabr 15 künü, salı künü, Qırımda Kubanden yarımadağa energetik köpürniñ ekinci yolağınıñ berilmesini bekleyler.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Dekabr 8 künü Ukraina energetik tertibatından Qırımğa bir elektrik yolağı boyunca elektrikniñ berilmesi ğayrıdan tiklendi. Amma Qırımda alâ daa ağ qazaları yüz bere.

XS
SM
MD
LG