Salı künü, dekabr 15-de, Qırımda yarımadağa Kubanden uzattırılğan energetik köpürniñ ekinci yolağını bekleyler.
Bu aqta Qırımnıñ Rusiye başı Sergey Aksenov bildirdi.
«Yarın energetik köpürniñ işlettirilmesine avale berilecek»,– dedi o dekabr 14 künü FA yoq etilmesi boyunca ştabnıñ toplaşuvında.
«Quvet ket-kete toplanacaq, birden tam miqdarda bermezler», – dedi o.
«TASS» agentligine Rusiye devleti başınıñ matbuat kâtibiDmitriy Peskov bildirgeni kibi, Pütin salı künü Kremlde çalışa ve «Qırımnıñ energetik teminlevi ile oğraşır».
Rusiye energetika naziri Aleksandr Novak degeni kibi, Qırımğa Kubanden berilgen energetik köpürniñ ekinci yolağı yarımadanıñ bir 90% ihtiyacını yerine ketirir.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.
Dekabr 8 künü Ukraina energetik tertibatından Qırımğa bir elektrik yolağı boyunca elektrikniñ berilmesi ğayrıdan tiklendi. Amma Qırımda alâ daa ağ qazaları yüz bere.
