Link açıqlığı

Keriç merkezinde Rusiye prezidenti Vladimir Putinniñ süreti ile iç bir graffiti qalmadı. Qırım.Aqiqat mühbiri bildirgeni kibi, şeer yalı kenarı rayonında çalışmağan yaz kinoteatrı divarında soñki büyük süreti noyabr soñunda belgisiz şahıslar tarafından bozuldı, kommunal hızmetniñ hadimleri onı da bej tüslü boya ile boyaladılar.

Böyleliknen, şeer merkezinde böyle tüste boyalanğan üçünci divardır, mında itibarğa lâyıq olğan yerlerniñ yanında Rusiye yetekçisi tasvir etilgen edi. Em de graffiti şeerli ve şeer musafirleri arasında rağbetli edi: mında daima foto çıqarğan insanlarnı körmege mümkün edi.

Keriçte Putinniñ süreti ile graffiti yazda peyda oldı. Süretlerniñ müellifleri, yerli akimiyetniñ aytqanına köre, Keriç ve Moskvanıñ yaş ressamlarıdır.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG