«Petro Poroşenko bloku» firqasından halq deputatı, «Qırım» firqalarara birliginiñ başı Aleksey Gonçarenko «Qırım» serbest iqtisadiy zonasınıñ lâğu etilmesi aqta qanunğa qol tuta. Bu aqta halq deputatı Qırım.Aqiqatqa bildirdi.
Aytqanı kibi, bu kibi qanunnı Ukraina Nazirler Kabineti ve Milliy havfsızlıq ve mudafaa şurasınıñ iştiraki ile qabul etmek kerek.
«Mevamım başından öyle edi, Qırımnıñ ticariy faaliyetini belgileycek, onı aşğariy seviyege ketirecek qanunnı qabul etmek kerek. Ebet, SİZ lâğu etilmesi aqta qanunım – çıqış degil, amma olğan qanun da, menimce, anda da sualler bar. Nazirler şurası, Milliy havfsızlıq ve mudafaa şurası tarafından işlep çıqarılğan qanun olmalı, Yuqarı Radağa tezce kirsetilmek ve rey berilmek kerek, menim mevamım budır», – dedi Aleksey Gonçarenko.
«Qırım» iqtisadiy zonası aqta qanunnıñ lâğu etilmesi yarımada vatandaşlıq qamaçavı iştirakçileriniñ talaplarından biridir.
Yuqarı Radada «Qırım» iqtisadiy zonası aqta qanunnıñ lâğu etilmesi aqta üç qanun leyhası resmiyleştirilgen.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
