Link açıqlığı

Suriyede elâk olğan Rusiye deñiz piyade askeri Aleksandr Pozıniçniñ ailesine Gurzufta daire berdiler, dep bildire dekabr 14 künü Rusiye Novoçerkassk şeeri memuriyetiniñ matbuat hızmeti.

Beyanatta bildirilgeni kibi, Gurzuf qasabasında daire aqqını deñiz piyade askeriniñ apayı İrina Pozıniçke Yalta şeer memuriyetiniñ inspektorı Anatoliy Yelâsin taqdim etti.

Körüşüv №11 Novoçerkassk mektebinde Cesürlik Nişanını alğan mektep mezunları – Aleksandr Pozıniç ve Yevgeniy Nosovğa bağışlanğan eki hatıra tahtasınıñ açılışı tedbirinde keçti.

«Aleksandr qorantası ile Qırımda yaşamağa istegenini bilemiz. Şunıñ içün Qırım, Yalta şeeri yolbaşçılığı tarafından aqayıñıznıñ arzusını amelge keçirmege qarar alındı», – dedi Yelâsin.

O Yalta şeer memuriyetiniñ başı Andrey Rostenko adından taziyelerini bildirdi ve qadınğa Gurzuf qasabasında 55,6 metre kare meydanlığı ile dairege şeadetnameni taqdim etti.

Elâk olğan Aleksandr Pozıniçke «Cesürlik Nişanı» berildi.

O, urılıp tüşürilgen uçağınıñ uçucısı Konstantin Murahtinniñ qurtarıluvı boyunca ameliyatta iştirak ete edi. Vetrolötqa ateş açılğan edi ve o acele enişke ketti. Deñiz piyade askeri atış devamında öldi.

XS
SM
MD
LG