Link açıqlığı

Qırımtatar Milliy Meclisi – yaqalanğan Çiygoznıñ doğğan kününde: ğalebemiz bizim olacaq


Aman-aman bir yıl devamında Qırımda SİZOda bulunğan Qırımtatar Milliy Meclisi reisiniñ muavini Ahtem Çiygoz dekabr 14 künü 51 yaşını toldura.

Hayırlav sözlerinde Meclis yolbaşçılığı semetdeşine bu sınavlarğa dayanmaq içün sabır, küç, sağlıq ve azatlıqnı tiley.

«Qırımğa sevgiñiz – sevimli Vatanımızğa, sizge sabır ve küç bersin, sağlığıñız qaviy, yüregiñiz raat olsun! Eminmiz, Allahnıñ yardımı ile bu sınavlardan keçermiz ve ğalebe mıtlaqa bizim olacaq!» – denile beyanatta.

Qırımtatar Milliy Meclisi reisiniñ muavini Ahtem Çiygoznı Qırım parlamenti yanında 2014 senesi fevral 26-da keçirilgen kütleviy tertipsizliklerni meydanğa ketirmesi boyunca qabaatlap, 2015 senesi yanvar 29-da yaqaladılar.

2015 senesi noyabr 30 künü Qırımnıñ Yuqarı mahkemesiniñ Çiygoznı 2016 senesi yanvar 29-na qadar apiste bulunması aqta qararını lâğu etmedi.

XS
SM
MD
LG