Ukrainağa bir qaç kontsertni berecek dünya muzıkasınıñ efsanesi 83 yaşında Michel Legrand keldi. Kiyevde dekabr 14 künü Michel Legrandnıñ kontsertine davet etilgen musafir – ukrain yırcısı Camala çıqışta bulunacaq.
Camala üç yırnı icra etecek: Papa Can You Hear Me «Yentl» muzıkalı melodramasından (1984), The Summer Knows Barbra Streisand icrasından ve I Will Wait For You «LES PARAPLUIES DE CHERBOURG» filminden (1964). Soñki yırnı Legrand ile icra etecektir.
Camala frenk çalğıcısı ile körüşüvinden teessuratları ile endi paylaştı, «aqiqiy dea» olğanını qayd etti.
Dekabr 15 künü Legrand Harkov, 17 – Odessada kontsertni berecek.
Michel Legrand – frenk bestekârı, pianocı, dirijör ve aslı ermeni yırcısı. Üç kere AQŞ milliy «Oskar» mukâfatınıñ saibi, beş defa «Grammy» ve bir «Altın Globus» mukâfatınıñ saibi. Kino ve televizion filmlerge eki yüzden ziyade muzıkalı eser yazdı.
Camala – aslı qırımtatar ukrain yırcısı, muzıkası caz, soul, elektron ve halq muzıkasını qaplap ala. Yaqında Camala ukrain rejissörı Oles Saninniñ «Povodır» filminde baş qadın rolüni icra etti.
