Link açıqlığı

Saatnıñ esas haberi

Qırımda insan aqları ile bağlı vaziyetini Estoniyada muzakere ettiler


Estoniyada er yıl Estoniya prezidenti destegin ile Taplinde keçirilgen İnsan aqları boyunca halqara konferentsiya çerçivesinde Qırımdaki vaziyetni muzakere ettiler. Konferentsiyağa Qırımtatar Milliy Meclisiniñ reisi Refat Çubarov keldi, bir sıra körüşüvlerni keçirdi.

Bu aqta Meclisniñ matbuat hızmeti bildire.

«Olğan körüşüvler devamında muzakere etilgen esas meseleler: Qırım, yarımadada insan aqları ile bağlı vaziyet, qırımtatar halqınıñ vaziyeti, siyasiy mabüsler, Ukraina ve Estoniyanıñ Rusiyeniñ Ukrainağa nisbeten istilâsına qarşılığı, Rusiyege qarşı sanktsiyalarnıñ Qırımnıñ işğalden azat etilmesi ile bağlı talaplarğa alâqası», – denile beyanatta.

Matbuat hızmetiniñ malümatına köre, Çubarov Estoniya parlamentini ziyaret etti, mında parlament prezidenti Eyki Nestor ve Ukaraina – Estoniya parlamentarara deputat gruppasınıñ reisi, Estoniya Mudafaa küçleriniñ sabıq komandanı Yohaness Kert ile ayrı körüşti. Estoniya Tış işler naziri ile de körüşüv keçti.

BMT Ukrainada insan aqlarına riayet etüv aqqında 12-nci maruzasında Qırımda Rusiye akimiyeti tarafından insan aqlarınıñ bozuluması qayd etile.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG