Aqmescit akimiyeti fevqulâde vaziyet sebebinden kirsetilgеn içki satuv yasağını lâğu etti.
Bu aqta Aqmescit şeer memuriyetiniñ saytında aytıla.
Mütenasip qararğa köre, içki satuv yasağınıñ lâğu etilmesi Qırımda «elektrik teminleviniñ eyileşüvi» ile bağlı.
Rusiye tarafından işğal etilgen Qırımğa elektrikniñ berilmesi toqtatılğanından soñ yarımadada içki satuvını yasaq ettiler.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.
Dekabr 8 künü Qırımtatar Miilliy Meclisi ve Qırım qamaçavı ştabınıñ razılığı ile Qırımğa qıtaiy Ukrainadan elektrikniñ berilmesi qısmen tiklendi.
