Link açıqlığı

Birleşken Milletler Teşkilâtında Qırımnıñ qıtaiy Ukraindan energetik teminleviniñ toqtatılması boyunca qasevet bildirile, «yarımada energetik teminleviniñ ğayrıdan tiklenecegine» ve Herson vilâyetinde elektrik yolaqlarınıñ bozuluvı sebepleriniñ taqiqatına ümüt besleyler.

Bu aqta dekabr 11 künü New-Yorkta Ukraina vaziyetine bağışlanğan BMT Havfsızlıq şurasınıñ toplaşuvında BMT baş kâtibiniñ birinci muavini Jan Eliasson bildirdi.

«Herson vilâyetinde energetik tiremeleri bozuldı, neticede Qırım elektrik teminlevinden marum qaldı. Ümüt etem ki, elektrik energiyasınıñ berilmesi tam tiklenir ve vaqianıñ taqiqatı keçirilir»,– dedi Eliasson.

Cuma künü, dekabr 11-de, New-Yorkta Ukraina vaziyetine bağışlanğan BMT Havfsızlıq şurasınıñ toplaşuvı keçti. Esas sualleriniñ sırasında Ukraina şarqında Minsk añlaşmalarınıñ bozuluvı ve Rusiye tarafından işğal etilgen Qırım vaziyeti edi.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG