Link açıqlığı

«Pravıy sektor» Qırım ile memuriy sıñırdaki blokpostlardan kete


«Pravıy sektor» temsilcileri Qırımnıñ «vatandaşlıq qamaçavı» boyunca aktsiyada iştirakniñ toqtatılması ve blokpostlarda nevbetleriniñ alınması aqqında bildire. Bu aqta Qırım.Aqiqatqa «Pravıy sektor»nıñ spikeri Aleksey Bık tarif etti.

«Qmaçavda «Pravıy sektor»nıñ acele ştabı qamaçav şeriklerimiz elektrikni bermege musaade etkenleri ve bizni qararlarnıñ alınmasından çetleştirgenleri içün Qırım ile sıñırda bulunmamıznıñ şeklini deñiştirmege qarar aldı. Qırım Maydanında artıq iştirak etmeycekmiz, yollarnıñ qurşavını keçirmeycek ve blokpostlarda turmaycaqmız. Qırım qamaçavında iştirakimiz toqtaldı», – dey Aleksey Bık.

O şunı da qayd etti ki, yarımada qamaçavı boyunca aktsiyağa qaytmaq imkâniyetini red etmey, «amma bunıñ olması içün qoşma añlaşmalar, muzakerelerniñ keçirilmesi ve qamaçav çerçivesinde munasebetler şekliniñ deñiştirilmesi kerek», – dedi «Pravıy sektor»nıñ spikeri.

Qırımnıñ «vatandaşlıq qamaçavı» boyunca aktsiyanıñ teşebbüsçilerinden biri Lenur İslâmov Qırım.Aqiqatqa aytqanı kibi, «Pravıy sektor»nıñ temsilcisi aktsiya ştabında qala.

«Pravıy sektor» şimdi manası olmağan vatandaşlıq noqtalarını terk ete. Biz de bu blokpostlarnı qaldıramız, biz olarnıñ şeklini deñiştirirmiz. «Parvıy sektor» ile probemlerimiz yoq. Biz vatandaşlıq aktsiyamıznı ğayrıdan formatlaştırırmız», – dep añlattı İslâmov.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Qamaçav iştirakçileriniñ talapları arasında – siyasiy mabüslerniñ azat etilmesi, Qırımda insan aqlarına riayet etüv ve yarımadağa halqara eyyetlerniñ kirsetilmesi.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

XS
SM
MD
LG