Link açıqlığı

Cemilev, Çubarov ve İslâmov – «Qırım işğaline qarşılıq» içün «Yañı Devir İnsanları» mukâfatınıñ saipleri


Qırımtatar halqınıñ yetekçisi, Ukraina halq deputatı Mustafa Cemilev, Qırımtatar Milliy Meclisiniñ reisi Refat Çubarov ve ATR qırımtatar telekanalınıñ saibi Lenur İslâmov «Novoye Vremâ» ukrain mecmuasınıñ «Yañı Devir İnsanları – 2015» mukâfatınıñ saipleri oldı.

Teşkilâtçılarnıñ aytqanına köre, mukâfat «Qırım işğaline qarşılıq içün» berildi.

Mukâfat tesisçileri qayd etkeni kibi, mukâfat saipleri «keteyatqan senede memleket yaşayışınıñ çeşit saalarında standart ve qaidelerni bozğan ve deñiştirgen, ve memleketniñ yañı tarihınıñ ayırılıp turğan şahısları olğan insanlar»dır.

Umumen mukâfat 24 insanğa berildi, laureatlar sırasında – Odessa vilâyetiniñ valisi Mikheil Saakaşvili «memleket memurlarına aqiqatnı aytmaq qabiliyeti içün», Ukraina Tış işler naziriniñ birinci muavini Eka Zguladze «militsiya islâatı içün», jurnalist Natalya Sedletskaya ve»Shemı» programmasınıñ komandası «namuskârlıq standartı içün».

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG